नमस्कार !

आपल्या सर्वाच्या आरोग्य म्हणजेच शारीरिक, मानसिक समृद्धीच्या दृष्टीने एक अत्यंत महत्वाचा आणि बहुमूल्य उपक्रमाचे आपण आयोजन केलेले आहे. पुणे आरोग्य महोत्सव २०२५ आपण साजरा करत आहोत. दिनांक १९ ऑक्टोबर २०२५ रोजी सकाळी ९.०० ते  सायं ६ वा पर्यंत. आपल्या बालगंधर्व रंगमंदिर, पुणे येथे हा कार्यक्रम होणार आहे. महाराष्ट्रातील सुप्रसिद्ध कलावंत, अभिनेते. साहित्यिक आणि रसिक प्रेक्षक. पुणेकर नागरिकांच्यासाठी हा महोत्सव फक्त एक कार्यक्रम नाही. तर पुणे आरोग्य महोत्सव २०२५ आपल्या सर्वींच्या निरोगी जीवनाचा पाया नव्याने प्रस्थापित करणारे एक क्रांतिकारी पाऊल ठरणार आहे. पुणेकर सर्वार्थाने जगात सर्वात हुशार आणि जागरूक मानले जातात, त्यामुळे आरोग्याचे महत्व तथा आरोग्य महोत्सवाचे खरे महत्व नक्कीच कळेल. या उपक्रमात सहभागी होऊन आपण आपल्या शहराला निरोगीपणाचा साज देऊ शकतो !! या महोत्सवात सर्व प्रकारच्या आरोग्य तपासण्या, औषधे आणि इंजेक्शन्सची उपलब्धता, थेट रुग्णांची तपासणी, मोफत उपचार आणि शस्त्रक्रिया यांचा समावेश आहे. याशिवाय चर्चासत्रे, परिसंवाद, कवी संमेलन, व्याख्याने, पुरस्कार वितरण सोहळा, नाटक, प्रहसन, स्मरणिका आणि पुस्तक प्रकाशन, पुस्तक प्रदर्शन, पुरस्कार वितरण, शासकीय योजनांची माहिती आणि आरोग्य योजनांची माहिती यामुळे हा सोहळ्यात सहभागी होऊन आपण ज्ञान आणि आरोग्याचा मौलिक खजिना मिळवणार आहोत ! मुख्यमंत्री सहाय्यता निधी कक्ष, मंत्रालय मुंबई आणि रुग्ण हक्क परिषद हा महोत्सव आपल्या सर्वासाठी, आपल्या सर्वाच्या सहभागाने ऐतिहासिक करणार आहोत. ही पुणेकरांच्यासाठी एक सुवर्णसंधी आहे. आपण सर्वांनी एकत्र येऊन या उपक्रमात सहभागी व्हावे, आपल्या पुणे शहरात निरोगी आरोग्याचा प्रसार होईल आणि पुणेकरांचा हा प्रयोग जगात नावारूपाला येईल. तरी आपण सहकुटुंब या महोत्सवाला उपस्थित राहावे ! कळावे. धन्यवाद !

श्री. उमेश चव्हाण (रुग्ण हक्क परिषद, महाराष्ट्र)